Dirbêsiyê û Girkê Legê yê Rojawanî hêrişê dewleta tirke yê vera herême û bêvengîya rayapêroyîya mîyanneteweyî ameyî şermezarkerdene.

Dirbêsîyê de rayraşîyayîş Meydanê Şehîd Xemgînî de açarîya mîtîngî. Qiseykerdişan de bale ameye ser antene ke dewleta tirke wazena pê hêrişan asayîşê herême bixeripno û merdiman bi tersnayîşî erdê ci ra vejo û ame vatene ke rixmê heme hêrişan ê do wayîrê erdê xo vejîyê. Reyna vera hêrişan bêvengîya Amerîka û Rûsya zî ameye şermezarkerdene û ame vengdayene ke wa warê teyarayan dewleta tirke rê bêro qefilnayene.

Girkê Legê de bi eynî waştişî şar kuçeyan de bi. Çalakîye de bale ameye antene serê hêrişanê dewleta tirke ser û vera hêrişan mesajê xurtkerdişê têkoşînî dîyayî.