Rojnameger Ferda Çetînî derheqê proseso ke bi Vengdayîşê Rayber Apoyî dest pêkerdo de ajansê ma rê qisey kerd.

Ferda Çetînî da zanayene ke nê 20 serranê peyênan de herême de vurîyayîşê pîlî qewimîyayê coka Bahçelîyî vato ke ‘’Rîsk û tehlukeyî pabeyê Tirkîya yê.’ Çetînî vat: ‘’Eke şima polîtîkayanê îşxalî anê ca nêeşkenê hêzanê bînan de pêbikewê. Dima ke rejîmê Esadî rijîya Îsraîlî xo Sûrîye de cakerd. Plananê Îsraîl, Amerîka û Îngilîstanî Sûrîye de hesabê Tirkîya serûbin kerdî. Bi nê hawayî Bahçelîyî veng da. Wexto ke rejîmê Esadî rijîya Tirkîya tewra plananê hêzanê mîyanneteweyîyan ê herême bîya. Nê tersê Tirkîya kêmîna û bi sebeb ke prosesî giran bikero. Bombardumanê Îsraîlî zî beşêkê plananê herême yo. Tirkîya kena ke kurdî Sûrîye de nêbê wayîrê statuyî û îdareyê Şamî de canêgêrê.’’

Ferda Çetînî pare kerd ke dînamîkanê zereyî yê Tirkîya ra proses nêvejîyayo; şertanê teberî ra vejîyayo û vat: ‘’Tirkîya sîyasetê xo yê verênî ra fek vera nêdayo. La fam kerd ke bi şerê vera kurdan nêeşkena dewam bikera. Tirkîya dî ke kurdî herême de benê aktor. Yanî neçaretîye ra verê xo da prosesî.

Vengdayîşê Bahçelîyî û cewabê Rayber Apoyî gamê radîkalî bîyî. Agêrayîş çin o. Eke cewab nêro dayene ma do abigêrê destpêkî. Proses manaya xo do vindî bikero. Se ra 80-90 partîyanê Tirkîya paştî daye prosesî. Kurdan paştî daye. La dewleta tirke bi xo prosesî giran kena. Na rewşe tehlukeyê cidîyî afernena. No tewiro bêcidîyet îstîsmar o.

Proses seke Bahçelîyî vato do apey nêşoro. Dewlete proses giran kerd, bi taybetî Kongreya PKKyî ra dima. Gamê xebata Rayber Apoyî nêameyî caardene. Hukmat tersanê sîyasîyan ra gamanê giranan erzeno. Hêrişê leşkerî û sîyasî yê hukmatî nakok ê. Seba ke gerîlayî çekan war verdê bingeyêko demokratîk û qanûnî şert o.’’