Platformê Kede û Demokrasîyî yê Amedî bi şîarê Ma vera şerî haştîye, vera mergî cuye pawenê Semtê Ofîsî de eşkerayîye daye. Çalakîya ke xeylê kesî tewrê ci bîyî de sloganê  “Şerî rê ney, haşîtye cade inkey ” ameyî vatene.

Eşkerayîye hetê Vervatoxê Dewrî yê Paltformî  Mehmet Oktayî ra ameye wendene. Oktayî hêrişê ke rixmê qerarê feskerdiş û adirbirnayîşî yê PKKyî yenê kerdene, sey waştişê xeripnayîşê prosesê haştîye name kerdî û nê vatî: “Nê hêrişî vera hêvîya haştîye yê. Nê çalakîyê provokatîfî mojnenê ke hema tayî wazenê şerî bidê domnayene. Şerê Îsraîl-Îranî zî mojna ma ke vera şer, feqîrîye, zulmî gerek ma her cayê dinya de semedê seyyewbînîye, azadîye û komelê demokratîkî têkoşîn bikerê. Vera polîtîkayanê şerî têkoşînkerdiş wezîfeyo bingeyî yê hêzanê kede û demokrasîyî yo.”

Oktayî veng da ke wa her kes vera hêrişan vengê xo berz bikero û veng da selahîyetdaran ke prosese çareserîye rayra bene, wa berpirsîyarîya xo bîyarê ca.