Domano ke hêrişê dewleta tirke de birîndar bi, merd
Domano 13 serreyo ke bombardumanê dewleta tirke ya îşxalkere yê vera Kampa Eyn Îsayî de birîndar bi, dinyaya xo bedilnaye.
Dewleta tirke ya îşxalkere çend saetî verê cû Kampa Eyn Îsa, xeylêk dewanê Xalidîyê, Hoşan û Ebû Sirê û Rayîrê M4î ser o bombayî varnayî.
Netîceya bombardumanî de domano 13 serre yê bi nameyê Hatim Hazim Mihemed Hatim kampe de bi giranî birîndar bi û lingê ci tira qerifîya.
Mihemed Hatim wedarîya nêweşxane la rixmê mudaxeleyan zî dinyaya xo bedilnaye.
