Efîn de xesp û talanê xoza dewam keno
Efrîn de yo ke dewleta tirke 2018 de îşxal kerd û tede rejîmê terorî nayo ro, xesp û talanê xoza dewam keno. Şera de 50î ra zafêr zeytunêrî ameyî birnayene.
Rêxistina Heqanê Merdiman a Efrînî da eşnawitene ke mabênê dewanê Qurtequlaq û Qestal Kişkê yê Şeraya Efrînî de 50î ra zafêr zeytunêrî ameyî birnayene.
Rêxistine vat darê ke ameyî birnayene aîdê hemwelatîyê bi nameyê Fewzî Şêx Nasanî yê.
Hewteyo ravîyarte de zî mabênê dewanê Qestal Cindo û Qitmê xeylê darî ameybî birnayene û berdîyayî bî Ezazî.
