Goreyê agahîyanê ke ameyê girewtene cerganê dewleta tirke dewa Şêxûtka ya Mabata de cinî û camêrdêk yê bi nameyê Ehad Seydo û Nezîre Hemîd Mihemed remnayî.

Dewa Hêkêçê ya Şîyê de dewij Hisên Dilo (29) ame remnayene. Cerganê El Hemzetî yê Anqara dewa Kefir Mizê ya Şera de bi seyan darî. 

Cerganê Sultan Muradî yê anqara dewa Dêrsewanî ya Şera de kesê bi nameyê Horo Hesen Hiso remna. Cergan keyeyê Hisoyî ra fîdyeya qasê 2 hezar dolarî waşte.

Goreyê çimeyanê herêmîyan cergê Ehrar El Şerqîye mal û mulkê efrînijan xerîban rê qasê 2-4 hezar dolarî û efrînijan rê zî qasê hezarêk dolarî danê kira.