Rêxistinanê Komelê Sîvîlî yê Efrînî bîlançoya sûcanê dewleta tirke û çeteyanê ci yê vera cinîyan ê Efrînî eşkera kerde.

Eşkerayîya ke bi tewrbîyayîşê desan cinîyan Şehba de ameye kerdene de nê ameyî vatene: "Efrîn de sûcê şerî zêdîyayî. Dewleta tirke cinîyê ke serkêşîya têkoşînî kenê ra qesas gena. Seba ke cinîyan Efrin, Serêkanîye û Girê Sipî de terorî çîn kenê raştê hêrişê dewleta tirke yenê."

Goreyê bîlanço wextê îşxalê Efrînî 18ê adar a 2018î ra nata Efrîn de 84 cinîyî ameyî qetilkerdene û hezarî ra zafêr cinîyî hetê çeteyan ra wextanê cîya cîyayan de ameyî remnayene. Aqibetê zafenan hema nîno zanayene. 71 cinîyî raştê hêrişê cînsîyî ameyî.

Cinîyan hêrişê dewleta tirke şermezar kerdî û veng da Neteweyanê Yewbîyayeyan û dezgehanê pabesteyanê ci ke wa vera nê sûcan çîyêk bikerê.