Rêxistina Heqanê Merdiman a Sûrîye-Efrînî derheqê sûcanê ke aşma adare de Efrîn de ameyî kerdene bîlanço eşkera kerd.

Goreyê bilanço nê binpaykerdişê heqan ameyî kerdene:

Efrin de 11 kesî ameyî remnayene. 20 kesê cuwa ver ameybî remnayene zîndanê Raiyê ra remayî.

Kesêkî rîyê teqaberêkê şerî ra mendo dinyaya xo bedilnaye.

6 kesî raştê îşkenceyî ameyî. Dîya zanayene  ke nê kesî rîyê şayîyanê Newroze ra raştê îşkenceyî ameyî.

300 ra zafêr zêtûnêrî ameyî birnayene. Daristanê Qitmê, Hec Hesenli, û Koyê Qaziqlî de 3 hezar û 100 darî ameyî birnayene.

Macîran ra pê zorî xeraç ame girewtene.

Xeylê çek-çuwelê hemwelatîyan hetê çeteyan ra ame diznayene.