Goreyê xebera ANHA Rêxistina Heqanê Merdiman a Efrînî eşkera kerd ke serê Tebaxe ra nata grûbanê çeteyan dest na ser di keyeyanê ke cinîyî domanî tede ciwîyenî, ê tira vetî û keyeyê xo ard tîya.

Goreyê Rexistina Heqanê Merdiman di menganê pêyênan de 29 cinîyî ameyî remnayene û aqîbetê înan nêno zanayene. Ame vatene ke seba cinîyanê ke pê zordarîye û çekan yenê remnayene keyeyanê înan ra fîdye yena waştene. Goreyê na xebere zafê cinîyî rîyê nê sucanê şerî yê sey remnayîş, îşkence û tecawuzî ra xo kişenê. Yeno vatene  ke xokiştişî bî zêdêr û derheqê xo kiştişî de yew bîlançoya zelale hema çin a.

Hêrişanê dewleta Tirkî 20'ê Çele ya 2018 de dest pêkerd û 18'ê Adare de Efrîn ame îşxalkerdene. Îşxalî ra nata herême de bi hewayêkê sîstematîkî sucê şerî yenê kerdene. Her roje sucê giranî sey destsernayîşê malan ê Heremîyan, remnayîşê sivîlan ê seba fîdye, îşkence û înfaz yenê kerdene.