Efrîn de domanêko kurd kişîya, cenazaya ci erzîyaye bîrî
Kesêkê îdlibijî Efrîn de domanêko kurd kişt û cenazaya ci eşte bîrî. Keyeyê domanî dîyar kerd ke heta ke kiştoxî bêrê cezakerdene ê do cenaza defin nêkerê.
Efrînê îşxalkerdeyî de sûcê dewleta tirke û cerganê ci dewam kenê.
Goreyê çimeyanê herêmîyan roniştoxêkê erebî yê bi nameyê Yamen Ehmed El-Îbrahîmî domano kurd Ehmed Xalid (15) kişto û cenazaya ci eşta bîrêkê Cindirêsî.
Ame parekerdene ke kiştoxo ke Îdlibî ra yo firinê babîyê domanî de xebitîyayêne.
Serebûtî ra dima keyeyê Xalidî dîyar kerd ke ewro heta saete 9î kiştox nêro teslîmkerdene ê do verê Asayîşê Efrînî ra nêşorê.
