DAÎŞ vakûrê Sûrîye de bi hêrişanê xokiştişî, mayinan û hucreyanê rakewteyan  wazeno ke cayekê QSD’yî azad kerdî têmîyankewtiş vejo.

Fermandaranê QSD’yî ra Ednan Efrînî  vat ke bi xelisnayîşê dewa Baxozî çew nêeşkeno vajo ke DAÎŞ’î do biqedîyo. Hetê eskerî ra biqedîyo zî hetê fîkîrî ra herême de do demêk bimano û   bi  nameyanê bînan bivejîyo werte.

Efrînî vat ke peynîya DAÎŞ’î bîya nêzdî û QSD aver şina û best pa: ‘‘DAÎŞ her roje hêriş keno. Mîyanê sivîlan de xo ca kenî û bi kincanê sivîlan hêriş kenî. Ma eşkayênê hîna lez DAÎŞ’î biqedînê la semedê pawitişê sivîlan  ma bidîqet tê gêrênê û sivîlîan xelisnenê. Sivîlê ke heta nika bi korîdorê asayîşî ameyî xelisnayene  Hecîn û çend dewê ke ameyî xelisnayene de ameyî cakerdene.  Herême de zaf mayinî estî. Heta ke herême mayinan ra pak mêbo, şarê herême nêeşkeno agêro cayê xo.‘‘