Goreyê eşkerayîye hêrişê artêşa Tirkî ya îşxalkare û çeteyanê ci yê herêma Mare ame vindernene û herêma Babî de zî çalakîyêka bitesîrî ameye kerdene.

Ame parbekerdene ke 2'ê Teşrîna Verêne de dormeyê şaristanê Mare de çalakîyêka sekmanîye de çeteyêkê dewleta Tirkî ame kiştene.

Goreyê eşkerayîye 4'ê Teşrîna Verêne de dormeyê dewa Tiwêsî ya herêma Babî de çeteyanê artêşa Tirkî ya îşxalkare xîret kerd ke hêriş bikê, naye ra pêkewtiş qewimîyo û çeteyan zafê kişteyî û birîndarî dayî la hûmare nêameye tesbîtkerdene.

Eşkerayîye de ame vatene, "Mabênê 2-5'ê Teşrîna Verêne de artêşa Tirkî ya îşxalkare û çeteyanê ci pê obusan dewa Til Medaqî ya herêma Şehba û dewa Merenazî ya qezaya Şera bombardûman kerdî. Bombardûman de zîyanêko madî resayo hêgayanê dewijan."