Şerwan û şorişgêranê enternasyonalîstanê ke Rojawan de hetê kurdan de ca gênê, seba şaranê Ewropa mesajê paştdayîşî dayî ke vera vîrusê Korona xo ver danê.

Şerwananê enternasyonalîstan ra Şevger Zabatayo meksîkayîj nêzdîyê 2 mengî yo ke Rojawan de têkoşîn keno. Şevger Zabatayo ke perwerdeyo leşkerî temam kerd, pare kerd ke o seba paştdayîşê şarê Rojawanî Meksîka ra ame. Zabatayî îfade kerd ke o xîret keno ke rewşa welatê xo ya vera Korona teqîb bikero û vat ke Serekkomarê Meksîka zûran keno û xo paweno. Zabatayî vat: ''Êyê ke vîrusî ra zerar vînenê ma yê, şar ê. Serdestî zerar nêvînenê. Ez venga şarê Meksîka dana ke vera serdestan û vera ê kesanê ke vîrus vila kenê xo ver bidê, têkoşîn bikerê.''

Şerwanê îtalyanî Berxwedan Azadî zî şarê Îtalya rê mesajêko winasên erşawit: ''Ez hêvî kena ke rewşe do holêr biba. Meseleyê ekonomîkî do zêdêr tesîrê xizanan bikerê. Ez venga komelê mîyanneteweyî dana ke seba Rojawanî hetkarîya malzemeyan ê tibîyan û testan bikero. Îtalyan, kurdan û şarê Rojawanî rê selam bo.''

Şerwanê îspanyolî Rok Brossayî vat: ''Dewamkerdişê têkoşînî û xoverdayîşî, awankerdişê torranê paştdayîşî û medyaya alternatîfe gamê girîngî yê. Ganî vra na rewşa nêweşîye ma xo rêxistin bikerê, xo ver bidê, xo bipawê û komelêk awan bikerê, têkoşîn bikerê.''