Rîsipîyanê eşîran ANFyî rê qisey kerd û nînan hêrişê hukmatê Şamî û hêzanê Dîfa El Wetanî yê vera Dêra Zorê şermezar kerdî.

Mihemed Tirk Suanî pare kerd ke nê hêrişî seba qelskerdişê Îdareyê Xoserî yê û vat: ''Bara dewleta tirke nê hêrişan de est a. Dewleta tirke seba ke aramîya herême biherimna fitne kena. Ez venga şarê ma yê Dêra Zorê dana ke wa têkoşînê xo ra fek vera medp. Ma heta peynî hetê QSDyî yê. Ma do erdê xo bipawê. Ganî ma yewîya xo awan bikerê ke erdê ma parçe nêbo.''

Şêx Îbrahîm El Hadîyî vat: ''Sey rîsipî û serekanê eşîran ma tim hetê QSDyî de û Îdareyê Xoserî de yê. QSD û Îdareyo Xoser îradeyê şarê ma temsîl kenê. QSDyî û Îdareyê Xoserî verê ma de qetî nîjadperestîye yan zî neteweperestîye nêkerd. Tîya de şarî oxirê azadîy de pîya têkoşîn kenê û cuya hempare awan kenê. Ma do bi way û biratîya xo nê hêrişan pûç bikerê.''