Îdareyê Xoserî vist vîrî ke dewleta Tirkî bi binpaykerdişê adirbirnayîşî sivîlan qetil kena, pare kerd ke eşkerayîyê Trumpî ke vano adirbirnayîş bi serkewte dewam keno, verê qirkerdişê etnîkî yê dewleta Tirkî akenê.
Îdareyo Xoser ê Vakur û Rojakewtena Sûrîye, derheqê peymana adirbirnayîşî ya bi mabênçîya DYA ya Tirkîya reyde viraşte, eşkerayîyêka nuştekîye daye.
Eşkerayîye wina ya:
"Di hîrê rojanê adirbirnayîşî de ke mabênê Hêzanê Sûrîyeya Demokratîke û dewleta Tirkî de bi mabênçîya Amerîka hêrişê dewleta Tirkî ya îşxalkare serê hêzanê ma nêvindert. 25 şervanî şehîd bîyî û 17'ê şervanî zî birîndar bîyî. Zafênê barbarîyanê îşxalî Serêkanîyê de ameyî meydan. Netîceyê bombardûmana barbare de wextê adirbirnayîşî de 17 kesî şehîd bîyî. Bi desan cenazeyê şehîdan binê enkazan de ameyî eşkerakerdene. Naye ra ber zî netîceyê bi xebitnayîşê çekan ê qedexekerdeyan de sey fosfora sipîye zafê rewşê şewatî mîyanê şaristan de estê. Artêşa Tirkî ya îşxalkare binpaykerdişê adirbirnayîşî rê dewam kena û xîret kena ke hêzanê xo yê leşkerî derbasê ucayî bika. Herêmanê ke artêşa Tirkî ya îşxalkare derbasê ci bîya, sucê înfazkerdişê, şantajkerdiş û talankerdişî yenê meydan. Eşkera yo ke serebûtê ke Efrîn de qewmimîyayê, herême dibare benê. Nê çîyê ke verê çimanê DYA de qewimîyenê, pêroyê ci perpirsîyarîya adirbirnayîşî yê û hêzê qetî yê her di teref ê.
Ma sey Îdareyo Xoser ê Bakur û Rojakewtena Sûrîye ma verba eşkerayîyanê serekê Amerîka de mat manenê. Serek Rump vano adirbirnayîş bi serkewtî derbas beno û hetê Tirkî adirbirnayîş ano ca. La ma qetî kenê ke dewleta Tirkî ya îşxalkare pêkerdiş binpay kena. Eşkerayîya peyêne ya serekê Amerîka Trumpî ya ke her Kurd herêmanê neweyan de ame cakerdene, rayîrê verê qirkerdişê etnîkî yo ke dewleta Tirkî k armanc keno, akeno. Seba ke sivîlê şaristanê Serêkanîyê û Girê Sipî û dewan ra koç kerd, ganî agêrê wareyê xo û na herême binê pawitişê mîyanneteweyî de bo. Yan zî Tirkîya do şarê herême qir bikê. Ganî Amerîka sey berpirsîyare tê bigêre. Ma veng danê komelê mîyanneteweyî ke tedaya serê hetê Tirkî bike ke wezîfeyê hêzanê xo herêman ra ke îşxal kerdî ra biance. Ma veng danê komelê mîyanneteweyî ke hêzanê mîyanneteweyî bierşawe seba ke sivîlan bipawe. Seba ke dewleta Tirkî çekanê qedexekerdeyan verba şarê ma xebitnena, nêeşkena nê herêman bipawe. Ma veng danê seba sazkerdişê komîteyêk a lezabeze ke xebitnayîşê çekan ê qedeekerdeyan û sucê înfazkerdişê sivîlan ser cigêrayîş bike."
