16ê êlule de cinîya kurde Jîna Emînî Tehran de hetê polîsanê exlaqî yê rejîmê Îranî ra seba ke gijikê ci asayêne amebî qetilkerdene. Vera qetilkerdişê Jîna 15 rojî yo Rojhelatê Kurdîstanî û Îranî de çalakîyê protestoyî serkêşîya cinîyan de yenê kerdene.

Şaristananê Ewropa de zî ewro seba destekê çalakîyanê vera qetilkerdişê Jîna Emînî serkêşîya cinîyan ê kurdan de çalakîyî ameyî kerdene. Bi hezaran cinîyan pîya sloganê 'Cinîye, Cuye, Azadîye' ard ziwan.

Çalakîyê ke vengdayîşê TJK-E ser o ameyî kerdene serkêşîya înan PAJK, KODAR û KJARî kerde. Çalakîyan de şîdet û tedayê rejîmê Îranî ameyî şermezarkerdene. Çalakîyan de Jîna Emînî ameye yadkerdene, bêvengîya dewletanê mîyanneteweyîyan ameye şermezarkerdene, broşurî ameyî vilakerdene û seba paştdayîşê cinîyanê Rojhelat û Îranî veng ame dayene. Çalakîyan de fotografê Jîna Emînî û Qazî Mihemed, flamayê KJARî ameyî kiriştene û sloganê sey 'Şehîdî nêmirenî', 'Dîktatorîye rê ney' ameyî vatene. Qiseykerdişan de ame vatene ke wa her kes dormeyê waştişê azadîye yê cinîyanê Rojhelatê Kurdîstanî û Îranî de bêro pêser.

Frankfurt

Sydney

Oslo

Berlin

Hamburg

Den Haag