Dewleta tirke ya ke hêrişê Rojawanî kerd wendekarê herême perwerde ra vistî dûrî. Eyn Îsa de ke binê îşxalê dewleta tirke de yo, tay dibistanî ameyî girewtene tay dibistanî zî hetê îşxalkeran ra ameyî talankerdene.

Eyn Îsa de 149 dibistanî estê, bajarekanê El Alî Balîcîye û Ebu Xerzê û dewanê Eyn Îsayî de 60 disbistanî ameyî girewtene, 20 dibistanan de ke xeta sînorî de yê, semedê îşxalî ra falîyetê perwerdeyî vindert. Eyn Îsa de bi temamî 18 hezar wendekarî estê û 5ê hezarê înan perwerde ra ameyî dûrvistene.Çimeyanê herêmîyan da zanayene ke îşxalkeran bajarekê El Alî Bacelîyê de pêro dibistanî talan kerdî û dibistana Cirinî ya Ebu Xerza ser o zî topî eştî.

Komîteya Perwerdeyî ya Eyn Îsayî xîret kena ke perwerde sey verê îşxalî dewam biko. Komîte wendekaran teşwîkê dibistanan kena û komunanê dewan û taxan de yena pêser ke domanî bêrê erşawitene dibistanan. Vervatoxa Komîteya Perwerdeyî Mizgîne Kobo vat ke bi îşxalî şarê herême nêçar maneno ke koç biko û bi bombayan şar yeno tersnayene û nê rewşî zî perwerde ser o tesîr keno. Mizgîne ard ziwan ke her çiqas rewşa îşxalî dewam bika zî domanî do nê hewteyî dest pê perwerdeyî bikê.