Eyn Îsa de mayîn teqa domanêkî dinyaya xo bedilnaye
Dewêka Eyn Îsayî ya Îdareyê Xoserî ya Rojawanî de mayînêko ke cerganê DAÎŞî ra mendbi teqa. Teqayîş de domanêkê 13 serre dinyaya xo bedilnaye.
Domanê bi nameyê Mihemed El-Îsmayîl (13) wexto ke heywanê xo nêzdîyê dewa El-Ersî de çêranayene mayînêko ke cerganê DAÎŞî ra mendbi teqa û domanî dinyaya xo bedilnaye.
Heman wextî dezayê ci Ehmed El-Fehed (12) zî birîndar bi û seba weşkerdişî ame berdene bi Nêweşxaneyê Şehîd Umer Elûş ê Eyn Îsayî.
