Dewleta tirke û cerganê ci hêrişê xo yê vera Eyn Îsayî 23ê teşrîna peyêne ra nata zêdînayî. Goreyê peymana adirbirnayîşî qaşo dewleta tirke Eyn Îsayî ra 3 kîlometreyan dûrî vindera. La dewleta tirke nêzdîyê dewanê Mieleq, Seyda, Mişerfê û Cehbekî de cayê kontrolî viraştî.

23ê teşrîna peyêne ra nata Eyn Îsa 162 reyî dîya bombayan ver. Nê hêrişan de zerar resayo sivîlan ser, tankê awe û îstasyonê ceyranî bîyî hedefê dewleta tirke. Reyna hêrişan de 16 sivîlî birîndar bîyî, 5 sivîlî şehîd bîyî, 8 şerwanê QSDyî şehîd bîyî, 9 şerwanî birîndar bîyî. Hêrişan de 64 cergî kişîyayî û 15 cergî birîndar bîyî. Xîretê dekewtişê dewanê  Mieleq, Mişerfê û Cehbelê ra dima 5 wesayîtê zirxînî yê dewleta tirke ameyî îmhakerdene. Hêrişanê dewleta tirke û cergan de 5 leşkerê Şamî birîndar bîyî. La nê Şam ne zî Rûsya vera hêrişan tewirêk mojna. 

Medyaya Şam û Rûsya propaganda kerd ke Eyn Îsa do teslîmê Şamî bio. Rûsya zî waştêne Eyn Îsa ya bêro dayene Şam yan zî hêrişî do dewam bikerê.

Wextê nê hêrişan de QSD, Rûsya û Eyn Îsa kombîyayîşêk kerd, bire daye le Eyn Îsa de noqtayê kontrolî virazîyê. La reyna zî hêrişê vera Eyn Îsayî dewam kerd. Dewleta tirke 18ê kanûna 2020 de hêrişê Mişerfê û Cehbelî kerd. 2 sivîlî nê hêrişan de birîndar bîyî.

Eyn Îsa bajarekê Girê Sipî yo û rayîrê Kobanê, Heleb, Hesekê, Qamişlo û Berê Sînorî yê Til Koçerî girê dayîyê ci yê. Dewleta tirke semedo ke wazena têkilîyanê Til Temir û Cizîre bibirna kena ke Eyn Îsa kontrol bikera.

Rûsya û Şam têna hêrişan seyr kenê û QSDyî rê teda kenê. QSD û şar pîya xo ver dano û rayîr nêdano îşxalê tirkan.Şarê Eyn Îsa, Minbiç, Kobanê, Reqa û Tebqa her roje bêvengîya Şam û Rûsya şermezar keno û hêrişan protesto keno. QSD 2 mengan ra nata hêrişan şikneno.