Firat: Ma do nêzdî ra mijdan bidê

Fermandaranê QSD’yî ra Çîya Firatî bi eşkerayîyêk derheqê operasyonê peyênî yê Hamleya Firtine ya Cizîre yê vera çeteyanê DAÎŞ’î de zanayîş da.

Fermandaranê QSD’yî ra Çîya Firatî Heqîl Omerê Derazorî de derheqê operasyonê peyênî yê vera çetayanê DAÎŞ’î de kombîyayîşê çapemenî viraşt.

Firatî da zanayene ke înan  herêma Baxozî ya Corênî girewta binê çemberî û va: ‘‘ Çeteyê DAÎŞ’î tena cayêko sey 600-700 metrekareyî de mendî. Bi sebebo ke çeteyî sivlîlan sey mertalî şuxulnenî, ma nêeşkene lez aver şirê.‘‘

10 ESÎRÎ AMEYÎ XELISNAYENE

Firatî bale ante ke destê çeteyanê DAÎŞ’î de xeylî esîrî estî û vat ke înan 10 esîrê binî zî destê çeteyan ra xelisnayî. Korîdoranê asayîşî ra bi hezaran sivîlî ameyî xelisnayene.

Firatî vat ke ê do demo nêzdî de mijdanê qedîyayîşê cayanê îşxalî yê DAÎŞ’î bidê heme dinyaye.