Endama Dîwanê Hemserekîye yê PYDyî Foza Yûsif rojnameyê Yeni Ozgur Politika reyde qisey kerd.

Foza Yûsif ard ziwan ke beşdarîya ENKSî ya seba Îdareyê Xoserî hema yena nîqaşkerdene û vat ke ENKSî muhafazakar o, presnîbanê demokratîkan esas nêgêno û wazeno modelê Başûrê Kurdîstanî wazeno. Foza eşkera kerd ke nê meseleyî alozîyan virazenê.

Foza vat: ''Hêzê Îradeyê Xoserî hetê pêro dinya ra dîya. Eşkera bi ke bê Îdareyê Xoserî Sûrîye de çareserîye nêbena. Ma seba çareserîya demokratîke ya meseleyan xîret kenê la rejîm na çareserîye ra remeno.''

Foza îfade kerd ke dewleta tirke krîzê Sûrîye kena xorinêr û vat: ''Ma pê hesîyayî ke dewleta tirke vera Rojawanî amadekarîya hêrişan ê neweyan kena, gêrena firsendê hêrişî. Eke hêriş zî nêkera bi polîtîkaya şerê taybetî herême de kaos û alozîye virazena. Îdareyê Xoserî xeylêk hucreyî çin kerdî. Ma şarê xo vera hêrişanê Tirkîya hîşyar kenê, hîşmendîya sîyasî û pawitişî bihêzêr kenê. Warê dîplomatîkî de ma kenê ke polîtîkaya qirkerdişî ya dewleta tirke deşîfre bikerê û vera naye tewirêk awan bikerê.''

Rojawan de tay sûcî ameyî efûkerdene û destûr dîya ke tay keyeyî Kampa Holî ra cîya bibê. Foza Yûsif derheqê mesele de vat: ''Ma tehqîqat kerd ke eleqeyê tay kesan bi DAÎŞî çin o coka ma ê efû kerdî. Êyê ke hetê asayîşî ra bitehluke yê vera nêdîyenê. Îdareyo Xoser derheqê meseleya efû de wina têgêreno.''