Hemserekê PYDyî yê Kantonê Firatî Bozan Xelîlî vat: ‘’Vengdayîşê Rayber Apoyî yê seba haştîye vera şerê nikayênî gamêka newî ya. Ma hêvî kenê ke pêro şarê Rojhelatê Mîyanênî wayîrê vengdayîşê Rayber Apoyî vejîyê.’’
Hemserekê PYDyî yê Kantonê Firatî Bozan Xelîlî derheqê alozîya Rojhelatê Mîyanênî de ANFyî rê qisey kerd.
Bozanî ard ziwan ke Rojhelato Mîyanên mîyanê alozî û kaosan de yo û vat: ‘’Na alozîye bi destê tayê hêzanê îqtîdarî yena kerdene. Vengdayîşê Rayber Apoyî ra dima seba haştîye dewleta tirke ya îşxalkere gamêke nêeşte. Heman wextî de rijîyayîşê hukmatê Esadî ra dima ganî Sûrîye de haştîye biameyêne la ancî krîz vejîya.
Rojhelatê Mîyanênî de her netewe û rengî ra merdimî est ê. Dewletê îqtîdarî wazenê heqanê bindestan binpay bikerê. Rojawanê Kurdîstanî de Hempeymana Komelkîye est a. Şar pêro mîyanê na hempeymane de cagêno. Vengdayîşê Rayber Apoyî yê seba haştîye vera şerê nikayênî gamêka newî ya. Ma hêvî kenê ke pêro şarê Rojhelatê Mîyanênî wayîrê vengdayîşê Rayber Apoyî vejîyê.’’
