Qezaya Girkê Legê ya ke girêdayîya Kantonê Qamişlo ya de hetê Kongreya Starî ra bi slogana “Bi ruhê xoverdayîşê zîndanî ma do tecrîdî bişiknê” çalakîya grevê vêşanîye ameye destpêkerdene. Semedê grevê vêşanîye yê Leyla Guvene yo ke kewto 102 rojî, endamanê sazgehanê sîvîlî û meclîsanê şarî reyde  kesanê qezaye ra 102 kesî tewrê grevê vêşanîye bîyî.

Xeyma  ke grevê vêşanîye tede dest pêkeno, verê merkezê Hêzanê Pawitişî yê Komelî (HPC) yê Girkê Legê de bîye a.  Xeyma çalakîye de posterê Rayberê Şarê Kurdî Abdullah Ocalanî, Leyla Guvene û xoverrodayoxanê grevê vêşanîye ameyî dardîkerdene. Îdarkeranê Kongreya Starî ra Nesrin Mihemede çalakîye de qisey kerd û xoverdayîşê Leyla Guvene silam kerd û vat, “Ma dep û dolabê ke seba şarê ma wazenê bikerê vera înan de do bivindê. Ma bi heme hêz û îradeyê xo xo ver ro bidê û tecrîdê serê Rayber Apoyî bişiknê”Ame vatene ke grevê vêşanîye 3 rojî do dewam bikero.