Bi seyan endamê Têgêrayîşê Ciwanan ê Şorişgêran ê Sûrîye seba ke vurnayîşê demografîkî protesto bikê û paşt bidê QSDyî Meydanê Şehîd Xebatî yê Girkê Lege de kom bîyî.

Ciwanî kuçeyê Girkê Lege de bi sloganan û selamkerdişê QSDyî û YPG-YPJyî rayîrî ra şîyî. Ciwanan meşaleyî, alayê ciwanan û fotografê şehîdan kiriştî. Rayraşîyayîşê ciwanan verê Peymangehê Bazî yê  Ziwanê Kurdkî yê Rimêlanî de vurîya bi nawnayîş. Nawnayîş bi deqayêkê rêzgirewtişî dest pêkerd. Dima Endamê Îdare yê Têgêrayîşê Ciwanan ê Şorişgêran Feysel El-Salîh qisey kerd û vat: "Felsefeya neteweyê demokratîkî şarê herême kerd yew. Têdûştîye û edalet mîyanê înan de vila kerdî. "QSD temsîlkarîya pêro herême keno. Sey ciwanan ma soz danê keyeyanê şehîdan ke ma do rayîrê şehîdan taqîb bikê û paştî bidê QSDyî." Rayîrşîyayîşî bi sloganan û selamdayîşê Hêzanê Sûrîya Demokratîke (QSD) û selamdayîşê şehîdan qedîya.