Îdareyê Xoserî yê Rojawanî vera pandemîya vîrusê Korona 23ê adare de pêro herême de vejîyayîşê teberî qedexe kerdbi Ame parekerdene ke bire çarçewa tedbîranê weşîye yê pawitiş-vergirewtişî de ameye girewtene û 15 rojan do dewam bikera. 

Hema Rojawan de kesêk/e de vîrusê Korona nêame tesbîtkerdene, labelê tehlukeyê pandemîya vîrusê Korona hema zî dinya û herême de dewam keno.

Hemsereka Heyetê Karanê Zereyî ya Îdareyê Xoserî yê Rojawanî Hêvî Mistefa û Pisporê Nêweşîyanê Sêneyî Dr. Seîd Hisoyî derheqê qedexeyê vejîyayîşê teberî û tedbîranê weşîye de ANFyî reyde qisey kerd.

Hêvî Mistefa ard ziwan ke bira qedexeyî ra verê cû berê sînorî girewtî û vat: ''Bi sayê biranê ma yê lezan û xortan hema herême de nêweşîya Korona nêameye dîyene. Na babete de hemkarî û şêwirmendîya hêzanê ma dewam kenê. Ma venga şarê xo danê ke na babete de hîna zêde hetkarîya ma bikero. Goreyê rewşa herême, rewşa dinya û goreyê raporanê weşîye yê dezgehanê ma beno ke wextê qedexeyê vejîyayîşê teberî bêro dergkerdene.''

Hêvî Mistefa vist vîrî ke Heyetê Weşîye yê Rojawanî vera vilabîyayîşê vîrusî kedêka pîle dano. Hêvî Mistefa venga şarî da le goreyê biranê Îdareyê Xoserî têbigêro.

Pisporê Nêweşîyanê Sêneyî Dr. Seîd Hisoyî zî eşkera kerd ke herême de cade birê seba pawitişî û vergirewtişî ameyî caardene. Seîd Hisoyî venga şarî da ke tedbîranê xo bigêro. Dr. Seîd Hisoyî vat: ''Heta nika ma serkewte yê. Labelê eke nêweşîye vila biba tedbîrê ke ganî bêrê girewtene eşkenê bêrê ercnayene. Amadekarîyê ma estê. La ma vînenê ke hêzê tewr pîlî yê dinya vera na nêweşîye tengasî de yê. Ganî ma naye xo vîrî ra nêkerê û tedbîranê xo zêdêr bikerê. Xebatkarê ma pê bawerîyêka pîle xebitîyenê. Wa şarê ma zî pê ma bawer bikero. Hetkarîya tewr pîle zî caardişê biran a.''