Hamleya QSDyî ya vera DAÎŞî: 87 kesî ameyî destbendkerdene
Hêzê Sûrîyeya Deomratîke (QSD) 4ê hezîrane ra nata erdê Dêra Zorê û Hesekê de vera hucreyanê DAÎŞî operasyon kenê. Heta nika 87 cerg û şikdarî ameyî destbendkerdene.
Aşmanê peyênan de gef û hêrişê DAÎŞî yê vera sivîlan zêdîyabî. Naye ra Hêzanê Sûrîyeya Demokratîke (QSD) 4ê hezîrane de vera hucreyanê cerganê DAÎŞî hamleyêka newîye daye destpêkerdene.
Hêzanê Taybetan ê QSDyî roja 5. a hamle de eşt tay cayanê dewa Hircê yê qezaya Siwerî yê Dêra Zorê. Sereştişan de 20 kesê ke têkilîya înan pê DAÎŞî estbî ameyî destbendkerdene.
Hûmara cerg û şikdaran a ke roja verêne ya operasyonî ra nata ameyî destbendkerdene resaye 87.
