Hêzanê Asayîşê Zereyî yê Rojawanê Kurdîstanî derheqê hêrişanê vizêrî yê dewleta tirke ya îşxalkere de eşkerayîyêka nuştekîye daye.

Eşkerayîye wina ya:

''Artêşa tirke ya îşxalkere şaristananê Qamişlo, Amûdê û Tirbespîyê de hêrişê xo yê vera sivîlan zêdînayî. Dewleta tirke Qamişlo û dewê ci b, 15 ropan kerdî armanc û tîya de 3ê ci domanî, 2ê ci cinîyî bi temamî 6 sivîlî birîndar bîyî. Dewleta tirke bi 23 topan dewê Tirbespîyê hedef kerdî û netîceya nê hêrişan de doman û cinîyêke birîndar bîyî.

Artêşa îşxalkere 21 topî eştî dewanê Amûdê û keyeyê sivîlan kerdî hedef. Netîceya nê hêrişan de hemwelatîyêk birîndar bi û wedarîya nêweşxane. Dewê Tirbespiyê bi 10 topan ameyî hedefkerdene.

Dewleta tirke ya îşxalkere bi nê hêrişan armanc kena ke aramîya herême biherimna, herêmanê neweyan îşxal bikera, destek bida terorî.

Ma sey Hêzanê Asayîşê Zereyî nê hêrişan û binpaykerdişan şermezar kenê û venga komelê mîyanneteweyî û pêro dinya danê ke nê kerdişanê dewleta tirke ya îşxalkere bivînê.''