Goreyê xeberanê ke ameyî girewtene dewleta tirke ya îşxalkere û çeteyanê ci bi çekanê giranan hêrişê dewanê Mişrefa û Şergiratî yê Eyn Îsayî  kerd. Reyna embarê xeleyî  zî  bi hawanan ame pirodayene, 4 kesî birîndar bîyî. Goreyê xeberanê verînan 3 kesî birîndar bîyî.

Dewleta tirke her roje bi hawayêkê sîstematîkî cayê sivîlan ser o bombayan varnena. Hêrişanê îşxalî yê dewleta tirke yê vera Rojawanî de 9ê teşrîna verêna 2019î ra nata bi seyan sivîlî merdî û bi hezaran kesî zî neçare mendî ke koç bikerê.