Hêrişê dewleta tirke yê vera Til TemIrî de 5 leşkerê Şamî merdî
Hêrişê artêşa tirke ya îşxalkere û çeteyanê ci yê vera nuqtayanê leşkerî yê hukmatê Şamî yê Til Temirî de 5 leşkerê Şamî merdî.
Dewleta tirke û çeteyanê ci saetanê sere sibayî de hêrişê xeylêk dewanê Til Temirî kerd.
Bado ke Meclîsê Leşkerî yê Til Temirî cewab da xeylêk nuqtayan de pêkewtiş vejîya. Dewleta tirke eynî wextî de hêrişê nuqtayanê hêzanê Şamî kerd.
Goreyê xeberanê ke ANHA çimeyanê cayîyayan ra giewtî tewr tay 5 leşkerê Şamî merdî. Ame vatene ke seba ke merde û birîndarî bêrê tehlîkerdene hêzê Rûsî şîyî herêma pêkewtişî.
