Ewro vera Kantonê Dêrazorî pê obus û havanan hêriş ame kerdene û xeylêk kesî birîndar bîyî.

Goreyê zanayîşanê verênan hêrişê vera dewa Kişkiyê de di sîvîlî birîndar bîyî. Goreyê xebera ANHA ewro serê sibayî hêrişê vera dewa El Mewhî ya  bajarekê Ebu Hemamî de 14 kesî birîndar bîyî. Birîndarî wedarîyayî nêweşxaneyanê Dêrazorî. Dîya zanayene ke rewşa di birîndaran giran a.

Nameyê birîndaranê ke ameyî musayene wina yê: Mahir El Marûf, Hemîd El Xilêf El Necim, Emar Salih El Elî, Mihemed El Emîn El Salih û Emar Salih El Ehmed.

Dîya zanayene ke Ebû Hemam û dewa Kişkiyê de hema birîndarê bînî est ê la seba ke bombarduman dewam keno ekîbê weşîye nêeşkenê biresî herême.

Goreyê zanayîşanê peyênan Kişkiyê de camîyêke zî dîyaye bombayan ver û xesaro pîl ame meydan.