Goreyê çimeyanê herêmîya dewleta tirke ya îşxalkere cerganê xo reyde 9ê tebaxe de, saete 05.00 de hêrişê xeta Şera ya Kantonê Efrîn-Şehba kerd.

Dîya zanayene ke mabênê Hêzanê Xelisnayîşê Efrînî (HRE) û cergan de pêkewtişê giranî qewimîyayê û xeylêk cergî kişîyayê. Ame parekerdene ke cergî warê pêkewtişan ra remayê.

Dima dewleta tirle dewê Ziyaret, Bêne, Tinebê, Şewarqa, Merenaz û Malkiyê yê Şêrawa û Şêra û Kampa Şehba dayî bombayan ver. 

Kampa Şehba de domana 15 serre Lîlave Elî Bekîr birîndar bîye. 

Hetê bînî ra dewê Meyasê, Birciaqasê, Soxanekê, Bênê, Ziyaretê, Dêrjimêl, Tinib, Kiştihar yê Şêrawa, dormeyê kampa Şehba, dew û bajerekê Şêwarqa, Merenaz, Malikiyê, Elqamiyê, Til Rifat yê Şêra û dewê Miniq, Eyn Deqnê, Bêlûniyê bi giranî dîyayî bombayan ver.