5ê teşrîna verêne de wextê merasîmê mezunîyetî yê Akademîya Leşkerî ya Humusî de hêrişêkê bi droneyê çekdarî ame kerdene. Goreyê Rêxistina Heqanê Merdiman hêriş de tewr tay 112 kesî ameyê kiştene û 120 kesî zî birîndar bîyê.

Çewî mesuldarîya hêrişî hema zî nêgirewte xo ser. Hêrişî ra dima hêzanê dewlete herêmê Îdlîbî yê ke binê îşxalê dewleta tirke de yê dayî bombayan ver. Netîceya nê bombardumanî de 8 kesî merdî û 30 kesî zî birîndar bîyî.

Sekreterê Neteweyanê Yewbîyayeyan Antonia Guterresî dîyar kerd ke hêrişê Humusî ra dima ê qerqilîyenê. Vervatoxê Guterresî Stephane Dujarricî zî îfade kerd ke ê derheê hêrişanê dewleta tirke yê vera Rojawanî de qerqilîyenê.