Yewîyanê Pawitişê Cinîyan YPJyî derheqê hêrişê dewleta tirke ya îşxalkere yê vera banê Federasyonê Gazîyan ê Qamişloyî de sîteyê xo yê fermî de eşkerayîye daye û nê vatî:

''11ê sibata 2024î de artêşa tirke ya îşxalkere bi droneyanê çekdaran hêrişê Federasyonê Gazîyan ê Rojawanî kerd. Nê hêrişî de fermandaranê ma ra Sorxwîne Rojhelat û Azadî Dêrik şehîd bîyî. Ma şehîdanê xo bi rêzdarî yad kenê û keyeyanê înan ê erjîyayeyan, heme şarê xo yê welatperwerî, şerwananê xo yê cinîyan ê şorişgêran û hemrayanê nê qehremananê azadîye rê serweşîye wazenê. Ma soz danê dostan û şarê xo ke gonîya embazanê ma do erdî de maneno, ma do qesasê înan bîgêrê.

Fermandare Sorxwîne (Fatma Sakan) 1985 de bajarê Makoyî yê Rojhelatê Kurdîtanî de yena dinya û eşîrê Celalî de bena pîle ke çirey verê îşxalkeran de milê xo çewt nêkeno. 2014 de gama kê hêrişê DAÎŞî yê vera Kobanê giran bîyî her cayê Kurdîstanî ra cinîyan ê ciwanan verê xo Rojawanî û Kobanê de destanê qehremankî nuştî. Têkoşînê hemra Sorxwîne heme şervananê YPJyî heme dinya rê vila bi. Fermandare Sorxwîne bi têkoşînê  xo ters û xof fîna zerrîya dişmenî, bîyê serkêşa têkoşînê Kobanê. Şarê Kobanê zî zerrî ra wayîrê fermandara xo ya jîhate û kênaya Sorxwîne vejîya.

Fermandare Sorxwîne gama ke vera DAÎŞî şer kerdêne bi giranî birîndare bena. Seba ke şarê xo tarîtîya DAÎŞî ra bixelisno , wird çimanê xo  feda kena la rixmê ne têkoşînî ra peyser game nêerzena. Fermandare Sorxwîne sembolê cesaretê cinîyan a. Fermandare Sorxwîne tewr peynî de Federasyonê Gazîyan de semedê gazîyanê şorişî wezîfeyê muhîmî ardêne ca. Reyna semedê cinîyan zî çîyo ke destê ci ra ameyêne kerdene. Coka zerrîya şar û cinîyan de cayê xo girewt.

Azadî Dêrik (Emîne Seyîd Ehmed) zî 1982 de bajarê Dêrika Hemko de yena dinya û keyeyêkê welatperwerî de bena pîl. Helanê verênan ê şorişî de Rojawan de tewrê refanê şorişî bena. Destpêkerdişê şorişî ra heta şehadetê ci xeta xopawitişî de têkoşîn esas girewt. Şerê azadîye sey fermandara serkêşe rayra berd. Hemraya ma Azadî bi waştişê xo tewrê xebatanê Federasyonê Gazîyan bîye û tîya keda pîle daye. Hemraya ma Azadî ronayîşê Federasyonê Gazîyan de rolo gird girewt. Hemra Azadî he warê şorişî de têkoşînê azadîye bi coşî rayra berd.

Ma sey YPJyî serkêşîya fermandaran Sorxwîne û Azadî de vera DAÎŞî şero gird raya berd. Dewleta tirke bi hêrişê vera cinîyan ê serkêşan têna qesasê DAÎŞî nêgeno eynî wextî de wazena  têkoşînê vera çeteyan zehîf bikero. Dewleta tirke bityabetî serrgêra Komployê 15ê Sibate de sey sûcê şerî îradeyê cinîyan ê azadan û şarî hedef girewt. Cinîyan bi felsefeya Rayber Apoyî komel pawit. Ma do sey hemrayanê Sorxwîne û Azadî têkoşînê xo xurtêr bikerê.

Ma veng danê heme cinîyan ê dinya û dezgehanê mîyanneteweyîyî ke wa vera hêrişanê qikerdişî yê dewleta tirke bêveng memanê. Têna ma û şarê ma nê  ewro heme cinîyî û şarê dinya deyndarê têkoşînê fermendare Sorxwîne û Azadî yê. Nê semedî ra ma veng danê heme têgêrayîşanê azadîye yê cinîyan ke wa vera hêrişanê dewleta tirke tewiro sîyasî bîgerê.

Ma sozê qesasgirewtişî danê şarê xo û cinîyan ê azadîwaştoxan. Wa faşîzmê AKP-MHPyî hole bizano ke  YPJ hêzê qesasî yê seserre yo. Adirê azadîye yê şorişî yo ke hemrayanê ma Sorxwîne û Azadî bi şîarê 'jin jîyan azadî' tafînayo, ma do heta rijnayîşê heme hegemonyayê camêrdê serdestî, gir bikerê. Ma soz danê ke ma do rêçê şehîdanê xo rê şirê û xeyalanê înan bîyarê ca.''