Vizêr hetê Hêzanê Sûrîyeya Demokratîke (QSD), Yewîyanê Pawitişê Cinîyan (YPJ) û Hêzanê Asayîşê Zereyî ra Hesekê de vera hucrayanê DAÎŞî operasyon dîya destpêkerdene. 

Merkezê Îrtîbatî û Çepemenîye yê QSDyî  eşkera kerd ke operasyon de ewro 40 çeteyê DAÎŞî pîya bi xeylêk çeke û malzemeye leşkerî ameyî tepiştene û vat zafê nê çeteyan Rojawan de xebatê newera rêxistinkerdişê DAÎŞî kerdêne.

Eşkerayîye de ame vatene ke hêrişê peyênî zî ramojnenê ke tehdîtê DAÎŞî dewam keno ke bêvengîya rayapêroyîya mîyanneteweyî zî nê tehdîtî girdêr kena.