Vizêr Heyetê Ewropa yo ke 12 wekîlanê parlamentoyê Ewropa ra yeno pê Meclîsê Sûrîyeya Demokratîke (MSD) û Fermandarîya Pêroyî ya Hêzanê Sûrîyeya Demokratîke (QSD) de ronişt.

Pêvînayîşan de rewşa Sûrîye, rewşa îqtîdarê Şamî yê nikayênî, têkilîyê bi Rojawanî, peymana mabênê Şam û QSDyî, hêzê leşkerî û modelê Îdareyê Xoserî ameyî nîqaşkerdene.

Beşdaran qalê hêrişanê dewleta tirke zî kerd.

Endamanê heyetî zî dîyar kerd ke ê xîret kenê ke sîyasetê îdareyî û pawitişê demokrasîyê herême bişinasnê. Endaman îfade kerd ke ê girîngîye danê cigêrayîşê metodanê hemkarîye.