Heyetê Wekîlan ê Îngilîstanî û Yewîya Ewropa (YE) pêvînayîşanê Başûrê Kurdîstanî ra dima derbazê Rojawanê Kurdîstanî bi û Temsîlkaranê Konseya Suryanîyan û Hemsereka Dayîreyê Têkilîyanê Teberî yê MSDyî Îlhame Ehmed de ronişt.
Heyetê Wekîlan ê Îngilîstanî û Yewîya Ewropa (YE) Başûrê Kurdîstanî de Mesut Barzanîyî reyde pêvînayîş kerd. Pêvînayîş de qalê vengdayîşê ‘Haştîye û Komelê Demokratîkî’ yê Rayber Apoyî ame kerdene. Heyet pêvînayîşanê Başûrê Kurdîstanî ra dima derbazê Rojawanê Kurdîstanî bi û Temsîlkaranê Konseya Suryanîyan û Hemsereka Dayîreyê Têkilîyanê Teberî yê MSDyî Îlhame Ehmed de ronişt.
Temsîlkara Têkilîyanê Teberî ya Konseya Suryanîyan Madira Gavriye heyet pêşwazî kerd û pêvînayîş de bale ante hêrişanê dewleta tirke ser.
Heyet Qamişlo de Hemsereka Dayîreyê Têkilîyanê Teberî yê MSDyî Îlhame Ehmed de ronişt. Îlhame pêvînayîş de îfade kerd ke ê do 18ê nîsane de konferansêkî bikerê, konferans de komîteyêke awan bikerê û çimdarîya amadekerdişê Qanûnê Bingeyî yê Sûrîye bikerê. Îlhame ard ziwan ke ganî Rojawan viraştişê qanûnê bingeyî ra teber nêro verdayene.
Îlhame pêvînayîş de vist vîrî ke hêrişê dewleta tirke yê vera Rojawanî dewam kenê, nê hêrişî verê krîzanê merdimatîye akenê.
Îlhame qiseykerdişê xo de îdareyê Şamî zî rexne kerd û dîyar kerd ke hukmatê Şamî goreyê îdeolojîya Îslamî ya selefîye têgêreno.
Heyet çarçewa pêvînayîşanê xo de Fermandarê Pêroyî yê QSDyî Mazlûm Ebdîyî reyde zî pêvînayîş bikero.
