Badê remayîşê çeteyanê ke dewleta tirke paştî dana ci hêzanê rejîmê Sûrîye ke Rûsya û Îran ci rê  paştgêrê kenê rojawanê Helebî de xeylêk herêmî girewtî binê kontrolî.

Goreyê zanayîşan rejîmê Sûrîye yo ke Rûsya hewa ra Îran zî erdî ra paştî dana ci rojawanê Helebî de dewê Heyyan, Haritan, Biyanûn û Kefer Hemra girewtî binê kontrolî. Bi girewtişê nê herêman rayîrê Helebî û Nûbul-Zehra zî kewt destê rejîmî. Rejîm 2012î ra nata reya verêna ke pêroyê Helebî girewt binê kontrolî.

Hêzê rejîmî deşta Anedan a ke sey qeleya Ihvani Muslimî (birayê mislimanî) yena zanayene rê nizdî bîyî. Yeno vatene ke çeteyê pabesteyê dewleta tirke Anedanî ra remenê.

Serokkomarê Tirkî Tayyîp Erdoganî vatbi eke hêzê rejîmê Sûrîye heta peynîya aşma sibate meancîyê peyê nuqtayanê çidarîye çike hewce keno ê do bikerê.