Endamê HPCyî heme şertan de şarê xo pawenê

Endamê HPCyî seba ke taxe û kuçeyî hîna biasayîşî bibê mîyanê pêro şert û mercanan de wezîfeyê xo anê ca.

Hêrişê dewleta tirke yê vera Rojawanî dewam kenê. Rojawan de şarî seba ke xo bipawê hêzê xo viraştî. QSD zî nê hêzan ra yew o. Asayîşê zereyê şaristanan zî Hêzê Asayîşê Zereyî anê ca. Hetê bînî ra hêzêko bîn ê aktîf zî Hêzê Pawitişê Komelkî (HPC) şaristanan pawenê.

HPC hêzê xo xo ra gêno û hêzê her kesî yo. HPC Kobanê de wayîrê hêzê leşkerî û umûmî yo. Wexto ke şan dîyeno endamê HPCyî çeka xo gênê û şinê kuçeyanê şaristanî. 

Şarê Kobanê zanenî ke vera herême de çi tehlukeyî estê. Coka mîyanê HPCyî de cayê xo gêno. Mabênê HPCyî de hem camêrdî hem zî cinîyî ca gênê û pîya xo rêxistin kenê.

Endama HPCyî Muna Silêman (38) vat: ''Seba ke şaristanê xo bipawa ez pêro wezîfeyê xo ana ca. Ez kena ke wezîfeyanê xo pey goş mekera. Pawitişê erdî pawitişê namusî yo. Heta ke gefê vera herêma ma biqedê ma do wezîfeyê xo yê pawitişî dewam bikerê.''