Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî. Eşkerayîye wina ya:

‘’Embazê ma Toprake, Sorxwîne û Laşer Garê de hêrişê dişmenî de şehîd bîyî. 

Embazanê ma Toprake, Sorxwîne û Laşerî bi kesayetê xo yê nefsqij û kamîlî seba ke nasnameyê PKK û PAJKî bîyarê ca xîretêko pîl da. Embazanê ma sey pawitoxanê krîteranê partîya ma tarîxê têkoşînî de cayê xo girewt.

Ma sere de keyeyanê şehîdanê xo yê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke xeyal û hesreta nê milîtananê Apogîran Kurdîstanê Azadî de bîyarê ca.

Nasnameyê embazanê ma yê şehîdan wina yê:

Embaza ma Toprake keyeyêkê şirnexijî de Mersîn de dadîya xo ra bena. Waka aye zî gerîla bîye û babîyê ci zîndanan de amebi qetilkerdene. Embaza ma Toprake bi hîsê qesasî 2013 de Botanî ra tewra gerîlayan bena. A cade bena gerîlayêka YJA-Starî ra marîfetîne û tewra xoverdayîşî bena. Embaza ma seba ke biba layîqa keda şehîdan tim xîret kena û bena şehîd.

Embaza ma Sorxwîne şaristanê Dirbesîyê yê Rojawanî de, keyeyêkê erebî de dadîya xo ra bena. A hêverî vera DAÎŞî şer kena û dima bêteredut 2015 de verê xo dana koyan. Embaza ma cade adapteya koyan bena. A xeta enternasyonele de şer kena. Embaza ma Sorxîne bi tewirê xo yê xeta PKK û PAJKî zî pêro erkanê xo bi serkewtişî ana ca.

Embazê ma Laşer Amed de dadîya xo ra beno. O wextê xebatanê çapemenîya azade de cagêno, yeno destbendkerdene û îşkencekerdene. Embazê ma tewirê xo ra fek vera nêdano û vera hêrişan tewrê gerîlayan beno. Embazê ma şertanê tewr zehmetan de erkanê tewr zehmetan ano ca, vera hêrişanê îşxalî cepheyê verênî de şer keno û tim serkewtiş keno esas.’’