Hêzanê Xelisnayîşê Efrînî (HRE) bi eşkerayîya nuştekîye da eşnawitene ke hêzanê ci mabênê 24 û 26ê temmuze de vera îşxalkeran Şêrawa, Bab û Ezaz de çalakîyî kerdî û nê pare kerdî:

''Hêrişê dewleta tirke ya îşxalkere û çeteyanê ci yê vera herêma ma zêdîyayî. Nê hêrişan de bitaybetî sîvîlî yenê hedefgirewtene. Şarê Efrînî yo ke rîyê hêrişanê dewleta tirke de erdê xo ra vejîyayo reyna raştê hêrişê îşxlakeran yeno. Ma sey pawitoxanê şarê xo vera hêrişan her şert de şar û erdê xo pawenê. Vera nê hêrişanê îşxalkeran mabênê 24-26ê temmuze de çarçeweya xopawitişê meşrûyî de Şêrawa, Bab û Ezaz de çalakîyî ameyî kerdene.

Dewa Cilbirî yê qezaya Şêrawa de 24ê temmuze de vera artêşa tirke çalakîyêke ameye kerdene. Na çalakîye de 4 leşkerê dewleta tirke ameyî kiştene û xeylêk leşkerî birîndar bîyî. Reyna tanqêk zî ame derbkerdene.

Herêma Bab de zî 25ê temmuze de di çalakîyê bitesîrî ameyî kerdene. Netîceya çalakîyan de 3 çeteyî ameyî kiştene û 4 çeteyî birîndar bîyî.

Ezaz de zî 26ê temmuze de vera baregehê dewleta tirke yo ke dewa Cibrînî de yo çalakîye ameye kerdene . Netîceya çalakîye de 7 îşxalkerî ameyî cezakerdene û  6 îşxalkerî abirîndar bîyî. Reyna yew tanq, obus û xeylêk mewzîyî ameyî îmhakerdene û wesayîtêkê bi tîpê Reoyî ame derbkerdene.

Netîceya çalakîyanê hîrê rojan de pêro pîya 11 leşker, 3 çeteyî ameyî kiştene û 6 leşker û 4 çeteyî birîndar bîyî.''