Hêzanê Xelisnayîşê Efrînî (HRE) bi eşkerayîyêke da zanayene ke hêzanê înan 23 û 24ê çeleyî de çalakîyî kerdî.

Goreyê eşkerayîye 23ê çeleyî de dewa Til Battalî ya bajarekê Raî ya herêma Babî de çalakîya vera cerganê polîsanê leşkeran de 2 cergî ameyî kiştene.

Ame eşkerakerdene ke 25ê çeleyî de dewa Kefer Sefrî ya qezaya Cindirêsî ya herêma Efrînî de vera cerganê Lîwa Semerkandî çalakîyêka sabotajî ameye kerdene û netîce de 2 cergî ameyî kiştene û cergêk zî birîndar bîyî.

HRE ard ziwan ke hêrişê dewleta tirke ya îşxalkere dewam kenê û vat: "Artêşa îşxalkere û cergê aye bi obusan, hawanan herêmanê Efrînî û Şehba ser o bombayan varnenê. Bombardûman de zerar nêresa herême ser. Têgêrayîşê teyarayanê keşfî zî herême de dewam kenê.''