Hêzanê Xelisnayîşê Efrînî (HRE) pare kerd ke çalakîyanê hêzanê înan de 6 îşxalkerî ameyî kiştene û derheqê babete de nê pare kerdî:

"Vera Artêşa Tirkî ya îşxalkere û cerganê aye hêzê ma çalakîyanê xo yê qesasî bêmabên dewam kenê. Tarîxê 26ê teşrîna peyêne de dormeyê Şaristanê Mare de hêzanê ma bi çalakîyêka sekbanî cergêkê Artêşa Tirkî hedef kerd û netîce de cerg ame kiştene. 27ê teşrîna peyêne de Dewa Kefer Kilbine de hêzanê ma vera cerganê koma Ehrar Şîmalî çalakîyêka sabotajî kerde. Netîce de 3 cergê kome ameyî kiştene, 2ê înan giran 3 cergî birîndar bîyî. Heman roje de dormeyê Şaristanê Mare de hêzanê ma vera çeperanê cerganê koma Lîwa Mutaasimî çalakîyêke kerde. Netîce de wesayîtêkê kome ame îmhakerdene, 2 cergî ameyî kiştene û 3 cergî zî birîndar bîyî."