Hêzanê Xelisnayîşê Efrînî (HRE) derheqê serrgêra 3. ya îşxalê Efrînî de eşkerayîyêke daye.

Eşkerayîye de ame parekerdene ke dewleta tirke ya îşxalkere 20ê çeleyê 2018î de Efrîn îşxal kerd û  a roje ra nata şarê Efrînî vera îşxalî bedelê giranî dayî û xoverdayîşêko bêhempa ard ca.HRE îfade kerd ke artêşa tirke ya îşxalkere nê 3 serran de Efrîn talan kerd, demografîya ci vurnaye, c sivîlê Efrînî qetil kerdî, remnayî, tecawuzê cinî û domanaê Efrînî kerd û hema zî nê barbarîyan dewam kena.

HRE vat: ''Xoverdayîşê Efrînî dewam keno. Ma şarê xo reyde derbê giranî dayî dişmenî ro û ma nika zî bi hawayêkê xurtî çalakîyanê xo dewam kenê. Nê xoverdayîşî de tewr tay 400 çalakîyî ameyî kerdene, 900 îşxalkerî kişîyayî û hende ney îşxalkerî zî çalakîyanê ma de birîndar bîyî. Reyna ma dest na xeylêk cebilxaneyanê dişmenî ser.

Ma sey HRE venga hemwelatîyanê xo danê ke kamca de beno wa bibo destê şima ra çita yeno seba azadîya Efrînî bikerê, vera dewleta tirke û ajananê ci çalakîyanê xurtan bikerê û seba têkoşîn û xoverdayîşî vengê xo berz bikerê. Ma venga ciwanan danê ke tewrê hêzanê ma bibê. Ma do serra newîye de cewabêkê xurtî bidê îşxalkeran û Efrîn îşxal û barbarîyanê dewleta tirke û cerganê ci ra bixelisnê.

Wa îşxalkerî bizanê ke serra newîye de çalakî û xoverdayîşê ma bi hawayêkê xurtêrî dewam bikerê,  Efrîn azad bikerê peynîya îşxalê dewleta tirke bîyarê. Pê hêz û moralê şar û şehîdanê xo ma do ser bikewê.''