Hêzanê Xelisnayîşê Efrînî (HRE)  bîlançoya di mengan a îşxalkerdişê dewleta Tirkî ya îşxalkare û çeteyanê aye eşkera kerde. HRE'yî vat ke heta Efrîn azad bibe do têkoşînê înan ê verba îşxalkaran dewam bike.

Eşkerayîya HRE  de nê çîyî ameyî parekerdene:

"20'ê Çile yê 2018 ra nata hêrişanê dewleta Tirkî ya îxalkare û çeteyanê aye yê bi armancê qirkerdiş ê îradeyê şarê ma Efrîn û herêmanê Şahba de nêameyî vindertene û bêvengîya hêzan ê cîhanî û dezgehanê heqanê merdiman ra her ke şono hêrişê îşxalkarîye benê zêde û cuya bi des hezaran sivîlan tehlûke de ya. Balkêş a ke nê hêrişî rast e rast keyeyanê sivîlan û hêgayan xo rê kenî armanc. Heman hewayî kampê asayîşî yê herêmanê Şehba ke şarê ma ci rê koç kerd, binê teror ê  hêrişanê Tirkan de yê. Na zî nîşan kena ke artêşa îşxalkare sîyasetê qirkerdişî de bi israr a û wazena şarê ma erdê xo ra dûr bifina.

Bîlançoya Mengan ê Tebaxe û Êlule

Herêmê ke ameyî topvarnayene: 

 - Qezaya Şera: Dewê Merenaz, Malikiye, Şewarixa, Kela Şewarixa, Minix, Elqemiyê, Eyn Deqnî.

 - Qezaya Şêrawa: Dewê Soxanekê, Aqîbê, Meyasê, Başemrê, Birc Qas, Bênê, Gundê Mezin.

 - Herêma Şehba: dewê Herbil, Semûqa, bêlûniyê, Şe’alê, Til Zîwan, Til Cîcan, Nêrebiyê, Til Medîq, Şêx îsa Şêx Hîlal û bajarekê Til Rifet.

 -Hûmara hêrişan:  76 hêrişî, 6'ê înan bi teyarayanê bêmerdiman 

-Hûmara obus û guleyê tank û hewana ke hêrişî de ameyî xebitnayene: 1868 û bi seyan guleyê doçka  nê hêrişan de 9 sivîlî birîndar bîyî û zîyanêko maddî û pîl resayo mal û hêgayanê dewijan û karê înan asteng kerdî. Ma sey Hêzanê  Xelisnayîşê Efrînî (HRE) reyna soz danê şarê xo ke hêrişê îşxalkarîya Tirkî û çeteyanê ci do bêcewab nêmanê û heta azadkerdişê Efrînî û agêrayîşê şarî têkoşînê ma do dewam bikero. "