Merkezê Îrtîbatî û Çapemenîye yê Hêzanê Xelisnayîşê Efrînî (HRE) bîlançoya hêrişanê vera Kantonê Efrînî ya tebaxe eşkera kerde. pare kerd ke dewleta tirke ya îşxalkere û cerganê ci tebaxe de hezar û 327 reyî hêrişê Kantonê Efrîn-Şehba kerdo.

HRE nê detayî pare kerdî:

''-5ê tebaxe de dewa Şealê de, 6ê tebaxe de bînaya hukmatî de, 8ê tebaxe de dewa Hirbilî û Şêwarxa de, 9ê tebaxe de dewa Şêwarxa de, 12ê tebaxe de dewa Şêx Îsa û Merenze de, 15ê tebaxe de dewa Malikîyê de, 17ê tebaxe de dewa Semoqa de, 18ê tebaxe de dewa Hirbilî de hêrişan de zeraro madî qewimîya.

-19ê tebaxe de Soxanekê de netîceya hêrişî de çar sivîlî birîndar bîyî. 21ê tebaxe de dewa Soxanek de, 26ê tebaxe de dewa Şêwarxa de, 29ê tebaxe de dewa Merenazî de û 30ê tebaxe de dewa Şêwarxa de hêrişan de zeraro madî qewimîya.''