Hêzanê Xelisnayîşê Efrînî (HRE) derheqê çalakîyanê hêzan de eşkerayîyêke weşanaye.

Eşkerayîye de ame îfadekerdene ke 27ê çeleyî de Efrîn de vera artêşa îşxalkere û cerganê ci çalakîyêka sabotajî ameye kerdene û wesayîtêkê îşxalkeran ame îmhakerdene.

Eşkerayîye de ame vatene: ''Heman roje şewe hêzanê ma vera dewa Birc Heyderî ya qezaya Şêrawa vera cerganê Felaq El Şam çalakîyê sekbanîyî kerdî. Netîceya çalakîye de 2 cergî ameyî kiştene û cergêk zî birîndar bi.''

Goreyê eşkerayîye 28ê çeleyî de mabênê Villa Qadî û Beradê de droneyêkê artêşa tirke ya îşxalkere hetê hêzanê HRE ra ame warvistine.

Derheqê bombardumanê artêşa tirke de ame vatene: "Artêşa tirke ya îşxalkere û cerganê ci 27 û 28ê çeleyî de dewanê Efrînî û Şehba ser o bi obus û hawanan bombayî varnayî. Netîceya bombardumanî de zîyanê madîyî resayî hemwelatijan ser."