Hêzanê Xelisnayîşê Efrînî (HRE) derheqê çalakîyanê hêzanê înan ê 11ê nîsane de eşkerayîyêke daye.

Eşkerayîya HRE de ame vatene ke vera leşkeranê tirkan ê îşxalkeran çalakîyêka taybete û çalakîyêka sabotajî ameyî kerdene. Netîceya nê çalakîyan de zî 3 leşkerî ameyî kiştene û 3 leşkerî zî birîndar bîyî. Heman wextî de nê çalakîyan de 2 wesayîtê doçka û wesayîtêko leşkerî ameyî îmhakerdene.

Eşkerayîye wina dewam kerd: ''Nê her di çalakîyî seba qesasê 3 embazanê ma (Egîd Şerqîya, Ferman Bilbil, Xabûr Efrîn) ê ke hêrişê 10ê nîsane yê qezaya Şêrawa de şehîd bîyî, ameyî kerdene.

Artêşa tirke ya îşxalkere û cergê ci bi çekanê giranan, cayanê sivîlan ser o bi hawayêkê giranî bombayan varnenê. Nê bombardumanan de hemwelatîyêko sivîl birîndar bi.''