HRE’yî bi eşkerayîyêka nuştekîye da zanayene ke Efrîn û der û dorê ci de, hêzanê înan vera artêşa Tirkî ya îşxalkare û çeteyanê ci çalakîyî viraştî û nê çalakîyî bê mabên do dewam bikerê.

Eşkerayîya HRE’yî wina ya:

“ - 8’ê Hezîrane de dewa Ebla ya ke girêdayîya Ezazî de vera gruba çeteyî yê Ehrar el-Şamî, hêzanê ma çalakîyêk viraşte. Na çalakîye de çeteyo bi nameyê Mihemmed el-Xetîb ame kiştene û hîrê çeteyî zî bî birîndar.

- 9’ê Hezîrane dewa Meryemînî ya qezaya Şera ya Efrînî de hêzanê ma vera qerargehê artêşa Tirkî ya îşxalkare çalakîyêk viraşte. Na çalakîye de 2 eskerê Tirkî merdî û 5 zî bî birîndar.

- 9’ê Hezîrane dewa Vêlat El Qadî ya ke girêdayîya qezaya Şera ya, hêzanê ma vera çeteyê bi nameyê Cebha el-Şamîye çalakîyêk viraşte û na çalakîye de 4 çeteyî ameyî kiştene, 3 zî bî birîndar.

- 9’ê Hezîrane dewa Meryemînî ya qezaya Şera ya Efrînî de, hêzanê ma vera wesayîtêkê îşxalkaran çalakîyêk viraşte û na çalakîye de wesayît bi temamî veşa, la merde û birîndarê dişmenî nêameyî zelalkerdene.

- Netîceyê çalakîyan de tewr kêmî 7 eskerê Tirkî yê îşxalkarî û çeteyê ke girêdayîyê înan ê ameyî kiştene, 10 zî bî birîndar.”