Hêzanê Xelisnayîşê Efrinî (HRE) da zanayene ke hêzanê înan vera hêrişanê artêşa tirke yê vera Rojawanî Ezaz de cawab dayo.

HRE vat: “ 5ê teşrîna verêne de dewê  Şêwarxa, Merenaz, Kiştiar, Soxaneke, Bênê, Gunde Mezin, Dercimel, Ziyarete, Meyas, Şeal, Ziwan, Şêx Isa, Kefer Naya û  Til Rifat bi teyarayanê keşîfî û obusan ameyî bombardumankerdene. Reyna  dewê Beluniye, Eyn Deqne, Malikiye û Ziyaretî bi teyarayanê şerî dîyayî bombayan ver. Vera hêrişanê dişmenî hêzanê ma çalakîyî kerdî. Na çarçewa de;

Hêzanê ma 5ê teşrîna verêne de vera dewleta tirke qezaya Ezazî de vera baregehê Dabikî operasyon kerd. Na çalakîye de 5 leşkerê tirkî yê îşxalkerî ameyî kiştene û 9 îşxalkerî birîndar bîyî. Eynî wextî de wesayîtêk û baregehê dişmenî ameyî pirodayene. Eynî roje dewa Şêwarxa ya qezaya Şera de teyaraya bêmirdime ya artêşa tirke dîyaye war.”