Rêxistina Çimdarîya Heqanê Merdiman (HRW) ewro raporê xo yê serê binpaykerdişanê heqan û sûcanê şerî weşana.

HRWyî da zanayene ke dewleta tirke herêmanê îşxalkerdeyan ê Rojawanî de mesuldara pêro binpaykerdişan û sûcanê şerî ya. HRWyî pare kerd ke herêmanê îşxalkerdeyan de tim sûcê sey remnayîş, hêrişê cînselî û îşkenceyî hetê cerganê tirkan ra yenê kerdene.

Rapor de ame îfadekerdene ke cerg û endamê îstîxbaratî yê dewleta tirke dest nanê mal û mulkanê şarê herême ser.

Hetkarê Dîrektorê Rojhelatê Mîyanênî yê HRWyî Adem Coogleyî vat: ''Tirkîya qetî nê binpaykerdiş û sûcanê endaman xo de mesuldarîyêke nêgêna xo ser û seba vindarnayîşê nê kerdişan tênêgêrena. Selahîyetdarê tirkî ge ge raşta raşte tewrê nê sûcan zî benê.''

Rêxistine pê hesna ke derheqê çar kesanê payeberzan ê dewleta tirke de sûcanê înan ra tehqîqatî est ê la nînan ra çew nêameyo muahekemekerdene. 

Rapor de wina ame vatene: ''Herême de cuya 1,4 mîlyon merdiman mîyanê bêhuqûqî û bêasayîşî de dewam kena. Herême de her çi bi zorê çeke yeno kerdene.''

Di raporê de hat gotin, “Jiyana 1,4 mîlyon mirovên li herêmê dijîn di nava bêhiqûqî û